வழிமேல் விழி வைத்து.....

வழிமேல் விழி வைத்து.....
அறைக்குள் நுழைந்தோமோ...
இல்லையோ காலண்டர்களின்
தேதிகள் வெட்டுபட துவங்கும் ..
குளிரூட்டப்பட்ட அறையினில்
தூக்கமற்று நீளும் இரவுகள் ..
அலார அச்சுறத்தலோடு வேண்டா
வெறுப்புடன் விடியும் நாட்கள் ..
சுக துக்க நிகழ்வுகள் துவங்கி
முடிந்துவிடும் தொலைபேசி
அழைப்புகளினூடே ..
ஒற்றையாய் ஆராரோ பாடும்
அவள் அழுகையின் சப்தம்
இங்கே இவன் தூக்கத்தில்
வெடிக்கும் வார்த்தைகள்
வழியும் கண்ணீரை வந்தடைய
எதைசொல்லி ஆறுதல்படுத்த
ஆளாளுக்கு ஒருயோசனையுடன் .
தாராளமாய் ரணங்கள்....
இங்கே ஒவ்வருக்கும்......

தாராளமாய் ரணங்கள்....

வழிமேல் விழி வைத்து.....
அறைக்குள் நுழைந்தோமோ...
இல்லையோ காலண்டர்களின்
தேதிகள் வெட்டுபட துவங்கும் ..
குளிரூட்டப்பட்ட அறையினில்
தூக்கமற்று நீளும் இரவுகள் ..
அலார அச்சுறத்தலோடு வேண்டா
வெறுப்புடன் விடியும் நாட்கள் ..
சுக துக்க நிகழ்வுகள் துவங்கி
முடிந்துவிடும் தொலைபேசி
அழைப்புகளினூடே ..
ஒற்றையாய் ஆராரோ பாடும்
அவள் அழுகையின் சப்தம்
இங்கே இவன் தூக்கத்தில்
வெடிக்கும் வார்த்தைகள்
வழியும் கண்ணீரை வந்தடைய
எதைசொல்லி ஆறுதல்படுத்த
ஆளாளுக்கு ஒருயோசனையுடன் .
தாராளமாய் ரணங்கள்....
இங்கே ஒவ்வருக்கும்......

முடியாத உரையாடலின் முடிவில்.......

முடியாத உரையாடலின் முடிவில்...
விரவிடும் மௌனத்தை போர்த்தியபடி
உறங்க போகிறேன்.....
மெத்தென பதியும் தலையணையில்
உறுத்தியபடி என்னை திரும்பி திரும்பி
படுக்க செய்கிறது என்னுடன் உறங்க வந்த
உரையாடலில் சில நெருடிய வார்த்தைகள்
உரையாடலின் சில வார்த்தைகள் அங்குமிங்கும்
உலாவி ஒளிர்ந்தபடி இருக்கின்றன
உறங்க மறுத்து...

வேரறுந்த வலி வேறென்ன வழி

அழகற்று போகுமோ
ஒற்றையாய் ரோஜா....?
தனியனாய் வாழும்சாபம்
வாங்கிதான் வந்தோமே...
கைநிறைய ரியாலும்,
கண்கள் நிறைய ஏக்கமும்,
திங்க சோறும்,
திணிக்கபட்ட புன்னகையுமாய்,
நீளுதே வாழ்கை .
வேரறுந்த வலி வேறென்ன வழி
வாழ்ந்துதான் ஆகணும்
நானே தேடி கொண்டது

நானும் ஒருவன்...!

நானும் ஒருவன்........
ஜனிக்கும் தருணங்களில்
அனைத்து உறவுகளிருந்தும்
அனாதையாக்கபட்டிருக்கின்றோம் ,
தனியனாய் வாழும்சாபம்
கைநிறைய ரியாலும்,
கண்கள் நிறைய ஏக்கமும்
அன்பெனவும் அரவணைப்பெனவும் அறியாது
ஏக்கத்துடன் மனம் வழியவிட்டு கொண்டிருக்கிறதென
வலிகொண்டு வாழும் அரேபிய அகதிகளில்
நானும் ஒருவன்...

சந்தோஷ, சந்தேகங்களுடன்........

இதுதான் முதல்முறையா...? ...இல்லை
இதற்குமுன் வேறுநாடு போயிருக்கியா..?
பராவாயில்லை எல்லாம் பழகிபோகும் ...
கேம்ப்வாசிகளின் ஆறுதலோடு
இனிதே துவங்கியது கேம்ப்வாழ்க்கை...
சந்தோஷ, சந்தேகங்களுடன்
எனக்கும், என்னைபோலுள்ள
வளைகுடா வாலிபர்களுக்கும்......

விழியின் வலிகளோடு...

இருப்பிடத்தை விட்டுவிட்டு
விருப்பத்தை எல்லாம் மூட்டை கட்டி விட்டு
மறுப்பை ௬ற வழியில்லாமல்...
பொறுப்புகளை சுமந்து புறப்பட்டேன்....
அரபுலகம் நோக்கி.......